لە ئەنجامی هێرشەکانی سوپای داگیرکەر بۆ سەر غەززە لانیکەم ٢٠ فەلەستینی شەهید بوون.

رژێمی داگیرکەری سەهیۆنی بەردەوامە لە کۆمەڵکوژی و جینۆساید لە غەززە. لە ئەنجامی بۆردومانەکانی کۆتایی سوپای داگیرکەردا لانیکەم ٢٠ مەدەنی شەهید بوون و ژمارەیەکی زۆر کەسیش لە ژێر باڵەخانەڕوخاوەکاندا گیریان خواردووە.

توندترینی هێرشەکان لە کەمپی پەنابەرانی نوسەیرات لە ناوەڕاستی غەززە ئەنجام درا. لە ئەنجامی هێرشی فڕۆکەکانی داگیرکەر بۆ سەر خانووی خانەوادەی غوراب ١١ کەس شەهید بوون و ژمارەیەکی زۆر کەسیش بریندار بوون.

هێرشێکی دیکە راستەخۆ بۆ سەر مەدەنییەکان لە نزیکەی قوتابخانەی دارالارقم لە گەڕەکی توفاح لە نزیکەی شاری غەززە ئەنجام درا. لە ئەنجامی هێرشەکەدا ٣ فەلەستینی شەهید بوون و ژمارەیەکی زۆر کەسیش بریندار بوون.

لە ئەنجامی هێرش سەر ناوچەی موخابەرات لە باکووری ڕۆژئاوای غەززە ئافرەتێک شەهید بوو و ژمارەیەکی زۆر کەسیش بریندار بوون.

هێرشێکی دیکە بۆ سەر خانووی ئەبو غولەیبە لە شاری دەیر بەلاح ئەنجام درا. لە ئەنجامی هێرشەکەدا ٥ فەلەستینی شەهید بوون.

رژێمی داگیرکەری سەهیۆنی لە ٧ی ئۆکتۆبەری ٢٠٢٣یەوە بەردەوامە لە هێرش سەر غەززە و لە ئەنجامی هێرشەکاندا زیاتر لە ٥٥ هەزار کەس شەهید و نزیکەی ١٣٠ هەزار کەسیش بریندار بوونەتە.(İLKHA)